OMM Redaksiyası
Amerika Birləşmiş Ştatlarının (ABŞ) Dövlət Departamenti vətəndaşlara miqrant böhranı səbəbindən Afrikanın şimal sahilində yerləşən İspaniyanın Seuta ərazisinə səfər planlarının ləğv olunmasını tövsiyə edib.
"Operativ Məlumat Mərkəzi-OMM" xəbər verir ki, Dövlət Departamenti bununla bağlı bildiriş yayıb.
“Mərakeşdən Seutaya çoxlu miqrantın gəlməsi gözlənilməz və təhlükəli vəziyyətlərə səbəb ola bilər. İğtişaşlarla bağlı risklərə görə səyahət planlarını yenidən nəzərdən keçirin", - deyə bildirişdə vurğulanıb.
Həmçinin diqqətə çatdırılıb ki, İspaniya hadisə ilə əlaqədar əraziyə hərbi qüvvə yerləşdirib.
