Pentaqonun Türkiyənin F-35 proqramında iştirakının Egey dənizindəki tarazlığı pozmayacağı fikrində olduğu iddia edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Adı açıqlanmayan mənbələrə əsaslanan xəbərə görə, ABŞ yaxın vaxtlara qədər Ankaranın Egeydə sahib olduğu kəmiyyət üstünlüyünü tarazlaşdırmaq üçün Yunanıstanın texnoloji addım atmasını nəzərdə tutan formul seçib, lakin son vaxtlar Vaşinqton Türkiyə və Yunanıstana qarşı “bərabərlik” anlayışını gündəmə gətirib.
Artıq Pentaqonun Türkiyənin F-35 proqramında iştirakının Egeydə balansı pozmayacağına inandığı, İsrailin baş naziri Benyamin Netanyahunun ABŞ prezidenti Donald Trampla görüşündən sonra Ankaraya Amerika silahlarının satışında ciddi azalma olacağına dair ümidlərinin puça çıxdığı iddia edilib.
