ABŞ hərbçiləri Ukrayna münaqişəsi zamanı dronlardan geniş istifadə olunmasından narahatdır.
"Operativ Məlumat Mərkəzi-OMM" xəbər verir ki, bu barədə "The New York Times" məlumat yayıb.
“Müdafiə sahəsindəki mütəxəssislər hesab edirdilər ki, yeni pilotsuz texnologiyalar ABŞ ordusuna düşməni uzaqdan aşkarlamaq və məhv etmək imkanı verəcək, bu da müharibələrin müddətini azaldacaq və risklərini minimuma endirəcək”, – nəşrdə bildirilir.
Lakin materialda qeyd olunur ki, Ukraynada gedən döyüşlər bunun əksini sübut edib. Bu səbəbdən ABŞ Silahlı Qüvvələri, bürokratik və siyasi maneələrə baxmayaraq, dövrün tələblərinə uyğunlaşmaq yollarını axtarır.
Bundan əvvəl "The National Interest" jurnalı yazmışdı ki, ABŞ ordusunun xüsusi təyinatlı qüvvələri Rusiya ilə mümkün qarşıdurmaya hazırlıq aparır.
