ABŞ Qəzzada qurulan müvəqqəti limanı tamamilə ləğv edəcək

ABŞ administrasiyası tərəfindən Qəzzaya “humanitar yardımın çatdırılması” vədi ilə qurulan və “əlverişsiz hava şəraiti” əsas gətirilərək sökülən üzən liman tamamilə yığışdırılacaq.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, ABŞ Milli təhlükəsizlik müşaviri Jake Sullivan mətbuata verdiyi açıqlamada, Qəzzaya yardım çatdırmaq üçün artıq ehtiyac olmadığı üçün üzən limanın tamamilə çıxarılacağını bildirib.

Yekun qərarın ABŞ Mərkəzi Komandanlığı (CENTCOM) tərəfindən açıqlanacağını bildirən Sullivan, "Lakin mən qısa zamanda körpü əməliyyatlarını tamamilə dayandıracağımızı gözləyirəm",- deyə qeyd edib.