ABŞ rəhbərliyi Polşadan "Patriot" hava hücumundan müdafiə sisteminin bir batareyasını Yaxın Şərqə göndərməyi tələb edir.
"Operativ Məlumat Mərkəzi-OMM" xəbər verir ki, bu barədə Polşanın "Rzeczpospolita" qəzeti məlumat yayıb.
Nəşrin müəlliflərinin sözlərinə görə, Vaşinqton təkcə "Patriot" batareyasını deyil, həm də artıq Polşa ərazisində olan raketləri əldə etmək niyyətindədir.
Qeyd edək ki, daha əvvəl "Wirtualna Polska" nəşri Polşa Hərbi Dəniz Qüvvələrinin Fars körfəzində ABŞ-yə dəstək verə bilməyəcəyini yazmışdı.
Buna əsas səbəb kimi ölkənin kifayət qədər uyğun döyüş gəmisinə malik olmaması və rəsmi Varşavanın bu cür münaqişələrə tələsik qoşulmaq istəməməsi göstərilmişdi.
