OMM Redaksiyası
"ABŞ bütün NATO ölkələrindən müdafiə xərclərini artırmağı və hərbi maliyyələşdirmə öhdəliklərini yerinə yetirməyi gözləyir".
"Operativ Məlumat Mərkəzi-OMM" xəbər verir ki, bu sözləri ABŞ-nin NATO-dakı səfiri Metyu Uitaker bildirib.
"Biz bütün müttəfiqlərin müdafiə xərclərini artırmasını gözləyirik", - o qeyd edib.
Uitakerin sözlərinə görə, uzun müddət Avropa ölkələri ABŞ-nin Avropanın təhlükəsizliyini təmin edəcəyini və maliyyələşdirəcəyini güman edirdilər, lakin indi bu vəziyyət dəyişməlidir.
Diplomat qeyd edib ki, Vaşinqton Niderlandın və bəzi digər ölkələrin müdafiə və təhlükəsizlik maliyyələşdirməsini artırmaq və silahlı qüvvələrini gücləndirmək səylərini alqışlayır, lakin mövcud tədbirlərin yetərli olmadığına inanır.
Daha əvvəl NATO-nun məqsədlərinə daha az xərclə çatmağın mümkün olduğunu bildirən İspaniyanın mövqeyini şərh edən səfir belə bir yanaşmanın mümkünlüyünə şübhə ilə yanaşdığını bildirib.
"Qoy bunu sübut etsinlər. Əgər müdafiəni daha az pula təmin edə biləcəyinizi düşünürsünüzsə, bizə necə edəcəyinizi öyrədin. Amma hamımız bilirik ki, freqatlar, tanklar və digər hərbi texnika çox pula başa gəlir", - o vurğulayıb.
