ABŞ-yə işgüzar səfəri çərçivəsində Ermənistan Respublikası müdafiə nazirinin birinci müavini, Silahlı Qüvvələrin Baş Qərargah rəisi, general-leytenant Edvard Asryan ABŞ-nin Birləşmiş Qərargah Rəisləri Komitəsinin sədri general Çarlz Braun ilə görüşüb.
"Operativ Məlumat Mərkəzi-OMM" xəbər verir ki, bu barədə ölkənin Müdafiə Nazirliyi məlumat yayıb.
Görüşdə ikitərəfli maraq doğuran məsələlər müzakirə edilib.
Hər iki tərəf müdafiə sahəsində Ermənistan-ABŞ əməkdaşlığının inkişaf etməkdə davam etdiyini qeyd edib.
General Braun qeyd edib ki, ABŞ Ermənistan Respublikası Silahlı Qüvvələrinin transformasiyası və islahatını dəstəkləməkdə davam edəcək.
Davam edən birgə fəaliyyətin davam etdirilməsinin vacibliyi müzakirə edilib, regional təhlükəsizliklə bağlı bir sıra məsələlər də danışılıb.
