ABŞ Dövlət Departamentinin rəsmisi yanvar ayından bəri bütün viza kateqoriyalarından ümumilikdə 85 min vizanın ləğv edildiyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Aİ Gürcüstanla münasibətlərini yenidən nəzərdən keçirməyə çalışmır"
Bildirilib ki, bu rəqəm ötən il ləğv olunan viza sayının iki qatından çoxdur.
Ləğv edilən vizalar arasında 8 mindən çox tələbə vizası da var.
Rəsmilər bu yüksək rəqəmin ABŞ Prezidenti Donald Tramp administrasiyasının həm ölkə daxilində yaşayan miqrantları hədəfə alan tədbirlərinin, həm də ölkəyə girişləri məhdudlaşdırmağa yönəlmiş daha geniş siyasətin bir hissəsi olduğunu bildiriblər.
Dövlət Departamentinin rəsmisi son bir ildə ləğv olunan vizaların demək olar ki, yarısının spirtli içki qəbul edərək avtomobil idarəetməsi, hücum və oğurluq kimi cinayətlərlə bağlı olduğunu söyləyib.
Qalan viza ləğvlərinə dair ətraflı səbəblər açıqlanmasa da, daha əvvəl viza müddətinin bitməsi və “terrorizmə dəstək” kimi səbəblərin də əsas kimi göstərildiyi xatırladılıb.
