ABŞ hakimiyyəti əvvəllər girişinə qadağa qoyulmuş 19 ölkənin vətəndaşları üzrə immiqrasiya müraciətlərinin emalını dayandırıb.
"Operativ Məlumat Mərkəzi-OMM" "The New York Times"a istinadən yazır ki, qərar Əfqanıstan, İran, Somali, Sudan, Venesuela və digər risk qrupuna daxil edilən ölkələrdən olan şəxslərə şamil olunur.
Yeni qaydalar çərçivəsində yaşıl kartların verilməsi, əvvəlki administrasiya dövründə təsdiqlənmiş sığınacaq qərarları yenidən nəzərdən keçiriləcək. ABŞ Daxili Təhlükəsizlik Katibi Kristi Noem yüksək təhlükə yaradan ölkələr üçün tam giriş qadağası tətbiqini təklif edib.
Tədbirlər Vaşinqtonda Milli Qvardiya hərbçilərinə silahlı hücumdan sonra sərtləşdirilib. Hücumda şübhəli şəxsin 2021-ci ildə Əfqanıstandan ABŞ-a köçmüş şəxs olduğu bildirilir.
