Belarus və Polşa arasında sərhədi keçmək üçün gözləyən avtomobillərin sayı bir həftə ərzində 6 dəfə artıb.
"Operativ Məlumat Mərkəzi-OMM" xəbər verir ki, bu barədə Belarus Gömrük Komitəsi öz Teleqram kanalında bildirib.
"Bir həftə əvvəl Belarus-Polşa sərhədini keçmək üçün orta hesabla 300-400 nəqliyyat vasitəsi gözlədiyi halda, bu gün bu rəqəm 2500-ü keçib", - məlumatda deyilir.
Qeyd olunur ki, əvvəllər Belarusdan Litva ilə sərhəddən keçərək Avropa İttifaqına gedən yük maşınları da Polşa və Latviyaya yönləndirilib.
