"Toyota", "Volkswagen", "Ford" və "General Motors" da daxil olmaqla 14 böyük avtomobil istehsalçısı ABŞ-nin yeni ticarət tarifləri siyasəti səbəbilə təxminən 12 milyard dollar zərərə uğrayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu itkinin ilin sonuna qədər daha da artacağı proqnozlaşdırılır.
Qeyd edək ki, Tramp administrasiyası aprel ayında 185 ölkə və bölgəni əhatə edən yeni bir ticarət tarifləri rejimini elan etmişdi. 5 aprel tarixində qüvvəyə minən bu tədbir çərçivəsində bütün idxal avtomobil və avtomobil hissələrinə 10%-lik sabit tarif tətbiq olunub. Ardınca, 9 aprel tarixində ölkəyə xas əlavə vergilər də qüvvəyə minib.
Bu tədbirlər, xüsusilə Yapon və Avropa mənşəli avtomobil istehsalçıları üçün böyük iqtisadi sarsıntılara səbəb olub.
