Ukrayna prezidenti Vladimir Zelenski Dubrovnikdə keçiriləcək Ukrayna-Cənub-Şərqi Avropa sammitində iştirak etmək üçün Xorvatiyaya səfər edəcək.
"Operativ Məlumat Mərkəzi-OMM" xəbər verir ki, bu barədə Xorvatiyanın "Index" nəşri məlumat yayıb.
Zelenskinin tədbiri Xorvatiyanın baş naziri Andrey Plenkoviç ilə birgə təşkil etdiyi, Xorvatiya prezidenti Zoran Milanoviçin isə sammitə dəvət olunmadığı bildirilir.
Nəşr vurğulayır ki, Ukrayna prezidentinin səfəri zamanı ölkə hakimiyyəti maksimum təhlükəsizlik tədbirləri görüb.
