Ukrayna ABŞ-la münasibətləri saxlamaq üçün əlindən gələni edəcək

Ukraynanın baş naziri Denis Şmıqal bildirib ki, ABŞ prezidenti Donald Trampın Kiyevə hərbi yardımı dayandırmasından sonra Ukrayna ABŞ-la münasibətləri qorumaq üçün əlindən gələni edəcək.

"Operativ Məlumat Mərkəzi-OMM" xəbər verir ki, bu barədə “Reuters” məlumat yayıb.

Rəsminin sözlərinə görə, Kiyev hələ də cəbhə xəttindəki qoşunlarını təchiz etmək üçün vəsaitə malikdir. Şmıqal bəyan edib ki, ABŞ-ın hərbi yardımı əvəzsizdir və minlərlə insanın həyatını xilas edib və Kiyev Vaşinqtonla münasibətləri qorumaq üçün əlindən gələni edəcək.

"Biz bütün mövcud kanallar vasitəsilə ABŞ-la sakit işləməyə davam edəcəyik. Bizim yalnız bir planımız var: qalib gəlmək və sağ qalmaq. Ya biz qalib gələcəyik, ya da B planını başqası yazacaq", - Şmıqal mətbuat konfransında deyib.