Türkiyədə zəlzələ ilə bağlı 134 nəfər həbs olunub

Türkiyədə zəlzələ zamanı uçan binalarla bağlı həbs olunan podratçıların sayı artıb.

"Operativ Məlumat Mərkəzi-OMM" “Milliyet”ə istinadən xəbər verir ki, Hatayda “Huzur” binasının podratçısı Yıldıray Varkinin həbs olunması ilə ümumilikdə həbs olunan podratçıların sayı 134-ə çatıb.

Məlumata görə, bir gün əvvəl İstanbulda saxlanılaraq məhkəməyə aparılan Varki barəsində həbs qərarı verilib.

Qeyd olunur ki, Varkinin Adıyamanda podratçısı olduğu binanın uçması nəticəsində çox sayda insan həlak olub.