Rusiyanın Rostov vilayətində təhlükəsizlik binası yanıb

Rusiyanın cənubunda yerləşən Rostov şəhərində Federal Təhlükəsizlik Xidmətinin (FSB) istifadə etdiyi bina yanır.

"Operativ Məlumat Mərkəzi-OMM" xarici KİV-ə istinadən xəbər verir ki, sosial şəbəkələrdə yayılan dramatik görüntülərdə böyük alov binanın bəzi hissələrini bürüyüb, şəhərin hər tərəfində tüstü görülüb. Yerli sakinlər yanğından əvvəl güclü partlayış səsi eşitdiklərini bildiriblər.

Rusiya KİV-i fövqəladə hallar xidmətinə istinadən yanğınla bağlı məlumat yayıb və binanın FSB-nin regional sərhəd patrul bölməsinə aid olduğunu bildirib.