Rusiyanın Omsk vilayətində ölümlə nəticələnən yol qəzası baş verib.
"Operativ Məlumat Mərkəzi-OMM" TASS-a istinadən xəbər verir ki, iki yük maşını sərnişin avtobusu və bir minik avtomobilini əzib.
Baş verən qəza nəticəsində azı altı nəfər ölüb. Qəzaya ilkin səbəb kimi buzlu hava şəraiti göstərilib.
Yol hazırda bağlanıb.
Qeyd edək ki, Tümen-Omsk şossesi yüksək nəqliyyat sıxlığı və yol eninin yetərli olmaması səbəbilə Rusiyada ən təhlükəli yollardan biri hesab olunur.
