Afət Ziyadqızı
Rusiya yeni iqtisadi münasibətlər sistemi üzərində işləyir, çünki əvvəlki sistemin etibarsız olduğu ortaya çıxdı.
"Operativ Məlumat Mərkəzi-OMM" xəbər verir ki, bu barədə “The Washington Post” Kremlin mətbuat katibi Dmitri Peskovun sözlərinə istinadən yazıb.
“Kreml sözçüsü Dmitri Peskov Rusiyanın qlobal maliyyə sistemində ABŞ-ın üstünlüyünü sarsıtmağa çalışdığını təkzib edib, lakin bunun alternativlər yaratmağa yönəldiyini etiraf edib”, - deyə nəşr yazıb.
Peskovun sözlərinə görə, “kollektiv Qərb”in hərəkətləri Moskvanın etimadını sarsıdır.
“Washington Post”un sitat gətirdiyi kimi, Kreml dünyada baş verən prosesləri diqqətlə izləyir və “yeni iqtisadi neyronlar sistemi qurur, çünki əvvəlki sistem etibarsız, qeyri-dəqiq və təhlükəli olub”,- deyə Peskov bildirib.
