"Real Madrid" və yarımmüdafiəçi Luka Modriç müqavilənin uzadılması ilə bağlı razılığa gəlib.
"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.
Qeyd olunub ki, yeni müqavilə 2024-cü ilin iyun ayının sonuna kimi nəzərdə tutulur. Tezliklə rəsmi açıqlama gözlənilir.
Xatırladaq ki, Modriç 2012-ci ildən "Real Madrid"də çıxış edir. Bu mövsüm xorvatiyalı "Real Madrid"in heyətində bütün turnirlərdə 48 oyuna çıxıb, 6 qol vurub və 6 məhsuldar ötürmə edib.
