"Qarabağ"ın UEFA Avropa Liqasındakı rəqiblərindən olan Yunanıstanın "Olimpiakos" klubu heyətini daha bir məşhur futbolçu ilə gücləndirir.
"Operativ Məlumat Mərkəzi-OMM" "SDNA" nəşrinə istinadən xəbər verir ki, Afina təmsilçisi Türkiyənin "Qalatasaray" komandasından Serjiu Oliveyranı transfer edir.
32 yaşlı portuqaliyalı yarımmüdafiəçi ilə 2 illik müqavilə imzalanacaq.
Qeyd edək ki, "Qarabağ" bu komanda ilə 2025-ci il yanvar 30-da səfərdə qarşılaşacaq. "Olimpiakos" daha əvvəl "Çelsi", "Arsenal" və "Fulhem" kimi klubların formasını geyinmiş Villianı heyətinə qatıb.
