Afət Ziyadqızı
Rusiya Prezidenti Vladimir Putin Küveytin yeni təyin olunmuş əmiri Məşəl əl-Əhməd əs-Sabaha taxta çıxması münasibətilə səmimi təbriklərini göndərib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Putinin mesajında deyilir: "Əlahəzrət, taxta çıxmağınız münasibətilə səmimi təbriklərimi qəbul edin. Rəsmi dövlət borcunuzu yerinə yetirdiyiniz zaman hamınıza uğurlar, o cümlədən cansağlığı və firavanlıq arzulayıram”.
Putin bəyan edib ki, Rusiya ilə Küveyt arasında münasibətlər ənənəvi dostluq xarakteri daşıyır.
“Mən əminəm ki, bu əlaqələr xalqlarımızın rifahı, Yaxın Şərqdə sülh və təhlükəsizliyin möhkəmləndirilməsi naminə müxtəlif sahələrdə məhsuldar şəkildə inkişaf edəcək”,- deyə Putin qeyd edib.
