Əli Məmmədli
Cənubi Amerika ölkəsi Peruda, paytaxt Lima başda olmaqla ölkənin bir çox şəhərində təsirli olan Yaku qasırğası sel və yüzlərlə dağıntıya səbəb olub.
"Operativ Məlumat Mərkəzi-OMM" Peru mətbuatına istinadən xəbər verir ki, Yaku qasırğasının yaratdığı daşqınlar nəticəsində 65 nəfər həyatını itirib, 5 nəfər isə itkin düşüb.
Mülki Müdafiənin son hesabatına görə, təbii fəlakətdən 66 min 853 nəfər zərər çəkib, 9 min 677 evə ziyan dəyib, 1541 ev yararsız hala düşüb.
Bundan başqa, 56 məktəb, 116 sağlamlıq mərkəzi və 239 körpü, 640 kilometr yol isə zədələnib.
