ABŞ-nin Nyu-York şəhərində müxtəlif universitetlərdən tələbələrin İsrailə etiraz etmək və Qəzzada aclıqdan əziyyət çəkən fələstinlilərə dəstək məqsədilə başlatdıqları aclıq aksiyası 14-cü gününə daxil olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Nyu-Yorkdakı CUNY Məzun Mərkəzi, Brooklyn Kolleci və Baruch Kollecinin tələbələri Qəzzada baş verən humanitar böhrana diqqət çəkmək və Qəzzada fələstinliləri aclıqdan öldürməyə və bombalamağa davam edən İsrail-ABŞ döyüş maşınına etiraz etmək üçün qeyri-müəyyən aclıq aksiyasını davam etdirirlər.
“Qəzza üçün aclıq aksiyası”, “Azad Fələstin”, “Soyqırımı ört-basdır edə bilməzsiniz” kimi pankartlar daşıyan tələbələr universitetlərinin İsraillə əlaqələrini kəsməyi tələb edirlər.
Tələbələr aclıq aksiyasına mayın 27-dən başlayıblar.
