Paraqvaylı yarımmüdafiəçi Migel Almiron "Nyukasl"ı tərk edərək karyerasını Amerikanın "Atlanta" klubunda davam etdirəcək.
"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.
Məlumata görə, tərəflər ilkin danışıqlar aparıb və ilkin razılıq əldə ediblər.
Yarımmüdafiəçi ilə 4,5 illik müqavilə imzalanacaq.
Transfer məbləği 11,5 milyon avro olacaq.
Futbolçu tezliklə tibbi müayinədən keçəcək.
2024/2025 mövsümündə Migel 14 oyun keçirib və qol vurmayıb.
Onun İngiltərə klubu ilə müqaviləsi 2026-cı ilin yayında başa çatır.
