Qəzza zolağında humanitar atəşkəs başa çatdıqdan sonra İsrail qoşunları bütün anklavda döyüşlərə daha intensiv şəkildə davam edəcək.
"Operativ Məlumat Mərkəzi-OMM" "The Times of Israel" saytına istinadən xəbər verir ki, bu barədə İsrailin müdafiə naziri Yoav Qalant bildirib.
"İndi sizin bir neçə gününüz var. Amma biz döyüşə qayıdıb daha da güclü hərəkət edəcəyik", - nazir bildirib.
O vurğulayıb ki, İsrail bütün anklavda döyüşəcək.
Noyabrın 27-də Qətər Xarici İşlər Nazirliyi Qəzza zolağında İsrail əsgərləri ilə HAMAS qüvvələri arasında atəşkəsin daha iki gün uzadıldığını təsdiqləyib.
