ABŞ-nin Kaliforniya ştatında quş qripinə yoluxma hallarının artması nəticəsində fövqəladə vəziyyət elan edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Kaliforniya Qubernatorluğundan verilən açıqlamada, 16 əyalətdə mal-qarada aşkar edilən virusun Cənubi Kaliforniya fermalarında da inəklərdə görüldüyü və yayılmaya nəzarət etmək üçün "təcili" qərarın alındığı bildirilib.
İctimaiyyət üçün xəstəlik riskinin aşağı səviyyədə olduğunu bildirən Kaliforniya qubernatoru, virusun yayılmasının qarşısını almaq üçün bütün lazımi addımların atılacağını qeyd edib.
