İslamabadda müxalif Ədalət Hərəkatı partiyasının təşkil etdiyi etirazçılarla toqquşmalarda 10-u Pakistan hüquq-mühafizə orqanlarının əməkdaşı olmaqla azı 12 nəfər həlak olub.
"Operativ Məlumat Mərkəzi-OMM" xəbər verir ki, bu barədə "Geo" telekanalı məlumat yayıb.
Məlumata görə, Pakistan hüquq-mühafizə orqanları şəhərin mərkəzi rayonlarını hədəf alan müxalifət tərəfdarlarından ibarət karvanın irəliləməsini cilovlamaq və iğtişaşları yatırmaq üçün səy göstərir.
Toqquşmalar zamanı 100-dən çox polis əməkdaşının yaralandığı və bəzilərinin vəziyyətinin ağır olduğu da bildirilir.
Öz növbəsində Pakistan Nazirlər Kabinetinin rəhbəri Şahbaz Şərif etiraz aksiyalarında iştirak edən müxalif Ədalət Hərəkatı partiyasının tərəfdarlarının ölkənin hüquq-mühafizə orqanlarının əməkdaşlarına hücumlarını pisləyib. Baş nazir həlak olan hüquq-mühafizə orqanlarının əməkdaşlarının ailələrinə başsağlığı verib və günahkarların məsuliyyətə cəlb olunmasını istəyib.
