Ağ Evin aparat rəhbərinin müavini Stiven Miller bəyan edib ki, ABŞ prezidenti Donald Trampın fikrincə, Hindistan Rusiyadan neft alaraq Ukraynadakı münaqişəni maliyyələşdirir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“Prezident açıq şəkildə bildirdi ki, Hindistan üçün Rusiyadan neft alaraq bu müharibəni maliyyələşdirmək yolverilməzdir,” – Miller bildirib.
Millerin sözlərinə görə, ABŞ administrasiyası Ukraynadakı münaqişənin sülh yolu ilə həllinə nail olmaq üçün diplomatik, maliyyə və digər vasitələrlə bütün variantları nəzərdən keçirməyə hazırdır.
Bundan əvvəl Tramp Hindistanın ABŞ ilə ticarət sazişi bağlamaq məqsədilə Rusiyadan neft alışını dayandıracağını bildirmişdi. Lakin o, bunun doğru olub-olmadığını dəqiq bilmədiyini də etiraf etmişdi.
