Gürcüstanın baş naziri İrakli Kobaxidze hazırkı ədliyyə naziri Anri Oxanaşvilinin namizədliyini Dövlət Təhlükəsizlik Xidmətinin yeni rəhbəri vəzifəsinə irəli sürüb.
"Operativ Məlumat Mərkəzi-OMM" xarici KİV-ə istinadən xəbər verir ki, o bu barədə brifinqdə deyib.
"Cənab Anri Oxanaşvilinin Gürcüstanın Dövlət Təhlükəsizlik Xidmətinin rəhbəri vəzifəsinə namizədliyi Gürcüstan parlamentinə təqdim olunacaq", - Kobaxidze bildirib.
Onun sözlərinə görə, Dövlət Təhlükəsizlik Xidmətinin keçmiş rəhbəri Qriqol Liluaşvili səlahiyyət müddətinin başa çatmasına bir neçə ay qalmış vəzifəsini tərk edib.
