Gürcüstan hökuməti ABŞ ilə əməkdaşlıq və strateji tərəfdaşlıq əlaqələrinin yenidən canlandırılmasına xüsusi önəm verir. Bu barədə Gürcüstanın Baş naziri İrakli Kobaxidze məlumat verib.
Hökumət başçısının sözlərinə görə, rəsmi Tbilisinin əsas məqsədi ABŞ ilə münasibətlərdə yenidən qurulma prosesinə nail olmaqdır. İrakli Kobaxidze qeyd edib ki, bu proses ədalət prinsipinə söykənən bərabərhüquqlu tərəfdaşlığın bərpasını və hər iki tərəfin maraqlarının bütün sahələrdə nəzərə alınmasını ehtiva edir.
Baş nazir hazırda Gürcüstanın ABŞ nümayəndələri ilə fəal siyasi dialoq apardığını vurğulayıb. Eyni zamanda, Gürcüstanın Xarici İşlər Nazirliyi ikitərəfli əlaqələrin inkişafı üçün yeni gündəliyin hazırlanması istiqamətində işləri davam etdirir.
