Gürcüstan parlamentinin sədri Şalva Papuaşvili siyasi böhrandan çıxış yolu kimi Fransa hakimiyyətini yeni seçkilər keçirməyə çağırıb.
"Operativ Məlumat Mərkəzi-OMM" xəbər verir ki, Papuaşvili bu barədə "X" sosial şəbəkə hesabında yazıb.
“Mən Fransanın daxili işlərinə qarışmaq fikrində deyiləm, lakin nəzərə alsaq ki, fransızların 61%-i prezident Emmanuel Makronun istefasını dəstəkləyir, 50%-i isə Milli Assambleyanın buraxılmasını istəyir, yeni seçkilər problemin həlli üçün yaxşı həll yolu ola bilər”.
