Afət Ziyadqızı
Ekvador polisi və silahlı qüvvələri yanvarın əvvəlində ölkədə dəstələrin təhrik etdiyi həbsxana iğtişaşları ilə başlayan qiyamlardan bəri 4680 nəfəri saxlayıb.
"Operativ Məlumat Mərkəzi-OMM" xəbər verir ki, bu barədə ölkə polisi bildirib.
“Cəmi 4680 nəfər saxlanılıb ki, onlardan 237-si terrorçuluqda şübhəli bilinir”, – deyə polis X-də hesabında bildirib.
Cinayətlə mübarizə əməliyyatlarında 57 mindən çox hüquq-mühafizə orqanı əməkdaşı iştirak edib. Əməliyyatlar zamanı 1500-dən çox odlu silah, 8300-ə yaxın partlayıcı maddə və 40 tondan çox narkotik vasitə götürülüb.
