Media nümayəndələrinin iştirakı ilə Dövlət Sərhəd Xidməti (DSX) Sərhəd Nəzarəti Komandanlığında mediatur keçirilir.
"Operativ Məlumat Mərkəzi-OMM" xəbər verir ki, DSX-nin Sərhəd Nəzarətinin rəisi general-leytenant Elşən Verdiyev Komandanlığın tarixi və gördüyü işlər barədə media nümayəndələrinə ətraflı məlumat verdi.
O qeyd etdi ki, Dövlət Sərhəd Xidməti Sərhəd Nəzarəti Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) beynəlxalq konfransına hazırlıq ilə əlaqədar, ölkəmizə gələn xarici qonaqların pasport nəzarətinə sürətli keçidinin təmin edilməsi üçün xüsusi texniki təchizat və nəzarət avadanlıqları ilə təmin olunub, zəruri tədbirlər görülüb və bütün tapşırıqlarım tam olaraq həyata keçirilib.
Dövlət Sərhəd Xidməti Sərhəd Nəzarəti Komandanlığı nüfuzlu beynəlxalq tədbirlərlə əlaqədar texniki tərəqqi tətbiq olunmaqla, sənədlərin operativ yoxlanışını, qarşıya qoyulan tapşırıqların və öz üzərinə düşən vəzifələrin yüksək səviyyədə icrasını təmin edəcək və gələn qonaqların xoş təəssüratın yaradılmasına nail olunacaq.
Aminə Nəzərova
