OMM Redaksiyası
Bakının Binəqədi rayonunda dava zamanı iki nəfər bıçaqlanıb.
"Operativ Məlumat Mərkəzi-OMM" xəbər verir ki, hadisə 7-ci mikrorayonda qeydə alınıb.
Belə ki, iaşə obyektində müştərilər arasında dava düşüb.
Dava zamanı 1987-ci il təvəllüdlü Rəfiyev Samir Xıdır oğlu və 1986-ci il təvəllüdlü Cəfərov Müşfiq Kamran oğlu bədənin müxtəlif nahiyələrindən bıçaqlanıb.
Yaralılar ağır vəziyyətdə Kliniki Tibbi Mərkəzə yerləşdirilib.
Faktla bağlı Binəqədi Rayon Polis İdarəsinin əməkdaşları tərəfindən araşdırma aparılır.
