"Ukraynadakı münaqişəyə son qoyulması ilə bağlı razılaşma Avropada nəzərdə tutulduğu kimi “ədalətli sülhün” bütün tələblərinə cavab verməyəcək".
"Operativ Məlumat Mərkəzi-OMM" xəbər verir ki, bu sözləri Finlandiya prezidenti Alexander Stubb deyib.
Onun sözlərinə görə, Avropa ölkələri Ukraynanın müstəqilliyini, suverenliyini və ərazi bütövlüyünü qorumaq üçün fəaliyyətini davam etdirir.
“Reallıq ondan ibarətdir ki, biz finlər də sülhün əldə olunduğu ana hazır olmalıyıq və son 4 ildə bu qədər danışdığımız ədalətli sülh üçün bütün şərtlərin yerinə yetirilməsi ehtimalı azdır”, - o deyib.
Stubb həmçinin etiraf edib ki, ABŞ-nin keçən ay açıqladığı ilkin 28 bəndlik plan avropalıları məyus edib.
