Azərbaycan Respublikası Ali Məhkəməsi Plenumunun növbəti iclası keçirilib. İclasda “İnzibati mübahisələrə dair işlər üzrə məhkəmə qaydasında tətbiq edilən müvəqqəti xarakterli müdafiə tədbirləri haqqında” Azərbaycan Respublikası Ali Məhkəməsinin Plenumunun qərar layihəsi müzakirəyə çıxarılıb və müvafiq qərar qəbul edilib.
Məhkəmənin mətbuat xidmətindən "Operativ Məlumat Mərkəzi-OMM"-ə verilən məlumata görə, iclasda eyni zamanda, vahid məhkəmə təcrübəsinin tətbiqinin təmin olunması üzrə təkliflər dinlənilib, 2022-ci ildə və 2023-cü ilin birinci yarısında kassasiya qaydasında təkrar baxılmış işlər barədə məlumat verilib.
Sonra Plenumda “Azərbaycan Respublikasının Ali Məhkəməsi yanında Elmi-məsləhət şurası”nın tərkibində dəyişiklik edilməsi məsələsinə baxılıb və qərar qəbul edilib. “Azərbaycan Respublikası Ali Məhkəməsinin Bülleteni”nin redaksiya heyəti təsdiq olunub.
Plenumda, həmçinin konkret işlərə baxılıb.
