30 noyabrda Mayamidə keçirilən danışıqlarda ABŞ və Ukrayna nümayəndələri Kiyevin NATO-ya üzvlüyünü faktiki olaraq mümkünsüz edəcək sülh ssenarisini müzakirə ediblər.
"Operativ Məlumat Mərkəzi-OMM" xəbər verir ki, bu barədə CNN məlumat yayıb.
Mənbələrin bildirdiyinə görə, ssenari Ukraynanın rəsmi müraciətindən imtina etmədən, lakin Rusiya ilə aparılacaq mümkün danışıqlar çərçivəsində NATO-ya daxil ola bilməyəcəyini nəzərdə tutur.
Məlumata əsasən, əgər ABŞ Rusiya ilə ikitərəfli danışıq aparsa və ya Moskva NATO-dan çoxtərəfli zəmanətlər tələb etsə, bu prosesə Ukrayna cəlb olunmayacaq.
CNN yazır ki, bu “zərif kompromis” üzrə yekun qərar Prezident Zelenskinin öhdəsindədir, lakin belə bir formula NATO-nun bütün üzvləri tərəfindən dəstəklənməyə bilər.
Ukrayna 2022-ci ilin sentyabrında NATO-ya sürətli üzvlük üçün müraciət edib və bu istiqamət Konstitusiyada təsbit olunub. Rusiya isə Ukraynanın neytral status almasını tələb edir.
