Türkiyənin ticarət naziri Ömər Bolat ABŞ prezidenti Donald Trampın əlavə gömrük vergisi dərəcələrini qiymətləndirib.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
O, ABŞ Ticarət Nazirliyi və ticarət nümayəndəsi ilə danışıqlarda 10 faizlik əlavə gömrük rüsumunun qaldırılmasını müzakirə etmək istədiklərini deyib.
"Biz ABŞ-nin bir çox ölkələrə yüksək gömrük rüsumları tətbiq etməsini Türkiyə üçün bir qədər “ən pisdən yaxşısı” hesab edirik. Biz ABŞ Ticarət Nazirliyi və ticarət nümayəndəsi ilə danışıqlarda əlavə 10 faizlik tarifin aradan qaldırılmasını müzakirə etmək istərdik", - nazir bildirib.
