"İsrail regionu tam fəlakətin astanasına sürükləyir. Məsləhətləşmələrimizdə ilk növbədə, bu təcavüzə son qoymaq üçün sərt mövqeyi və atacağımız birgə addımları müzakirə edəcəyik".
"Operativ Məlumat Mərkəzi-OMM" TRT Haberə istinadən xəbər verir ki, bu sözləri Türkiyə XİN rəhbəri Hakan Fidan deyib.
Hakan Fidan İslam Əməkdaşlıq Təşkilatının (İƏT) Xarici İşlər Nazirləri Şurasının 51-ci iclasında çıxış edib.
"Türkiyə olaraq İslam coğrafiyasının səsini daha da yüksəldəcək, qlobal ədalətin bərqərar olmasını ön planda tutacaq, zülmə qarşı dik durmağa davam edəcəyik. Bu ağır günlərdə İslam dünyasını təmsil edən bir çox ölkələrin bu toplantıda iştirakı həmrəyliyimizin çox gözəl nümunəsidir", - o bildirib..
