"Yuventus" "Portu"dan Fransisko Konseysaonu almaq istəyir.
"Operativ Məlumat Mərkəzi-OMM" xarici KİV-ə istinadən xəbər verir ki, Turin klubu futbolçu üçün 30 milyon avro təklif edib.
Bu məbləğ futbolçunun müqaviləsində satın alma maddəsi kimi nəzərdə tutulub.
Portuqaliya klubu bununla razılaşmayaraq, daha çox ödəməyə hazır olan başqa komandaların da olduğunu bildirib.
Hazırda 22 yaşlı Konseysao “Qoca sinyora”nın tərkibində klublararası dünya çempionatında iştirak edir.
