Yunanıstanın ötən gün Londonda keçirilən Ukrayna sammitində iştirak etməməsi ölkənin müxalifət partiyaları tərəfindən “uğursuzluq” kimi tənqid edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Ana müxalifət partiyası "Panhellenik Sosialist Hərəkatı" (PASOK), "Radikal Sol Alyans" (SYRIZA) və "Yeni Sol" hökumətin xarici siyasətini qeyri-adekvat və səmərəsiz olmaqda ittiham edib.
PASOK-un Xarici Siyasət Sözçüsü Dimitris Mancos və Avropa İşləri katibi Nikola Papazoğlunun birgə bəyanatında Yunanıstanın Avropanın təhlükəsizlik arxitekturasına dair mühüm danışıqlara qatılmamasının “narahatedici” olduğu bildirilib.
Açıqlamada ölkənin Parisdə keçirilən sammitə qatılmadığı xatırladılıb və Yunanıstanın beynəlxalq arenada daha fəal rol oynaması lazım olduğu vurğulanıb.
