"Yaponiya İkinci Dünya Müharibəsi zamanı törətdiyi cinayətləri lazımi şəkildə dərk etməyib və BMT Təhlükəsizlik Şurasının üzvü olmaq hüququna malik deyil".
"Operativ Məlumat Mərkəzi-OMM" xəbər verir ki, bu sözləri Çin XİN-in nümayəndəsi Mao Nin bildirib.
“O, bu günə qədər İkinci Dünya Müharibəsi dövründə törətdiyi hərbi cinayətləri lazımi şəkildə dərk etməyib. Belə bir ölkə beynəlxalq sülhü və təhlükəsizliyi təmin etmək məsuliyyətini daşıya bilməz və BMT Təhlükəsizlik Şurasının üzvü olmaq hüququ yoxdur”, – o deyib.
Çin XİN-in nümayəndəsi əlavə edib ki, Yaponiya baş naziri Sakae Takaichinin Tayvanla bağlı açıqlamaları Çinin daxili işlərinə kobud müdaxilədir və müharibədən sonrakı beynəlxalq nizama meydan oxuyur.
Mao Nin vurğulayıb ki, Yaponiya təcavüzkar müharibə başlayıb və Asiya xalqlarına və bütün dünyaya böyük əzablar gətirib.
