"Barselona"nın baş məşqçisi Xavi Ernandes İspaniya La Liqasında "Valyadolid"ə səfər məğlubiyyətini şərh edib.
"Operativ Məlumat Mərkəzi-OMM" xəbər verir ki, baş məşqçi bu barədə matçdan sonra jurnalistlərə açıqlama verib.
“Məqsəd artıq əldə olunduğu halda, belə matçlara hazırlaşmaq çətindir. Qollar iki səhvin nəticəsi idi. "Valyadolid" üçün layiqli qələbə oldu.
Futbolçuları başa düşürəm. Bizim çox sıx təqvimimiz var idi, üstəlik, dünya çempionatı mövsümün ortasında idi. Amma bu matçlar da vacibdir və biz yaxşı təsir bağışlamaq istəyirik. Bu gün bu işə yaramadı. Yeganə yaxşı xəbər Levandovskinin qol vurmasıdır”, - deyə Xavi bildirib.
