ABŞ Prezidenti Donald Tramp paytaxt Vaşinqtonda təhlükəsizliyi təmin etmək və cinayət nisbətlərini azaltmaq məqsədilə elan etdiyi ictimai təhlükəsizlik üzrə fövqəladə vəziyyətdən sonra şəhərdə avtomobil oğurluğu cinayətlərinin 87% azaldığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp Vaşinqtonda təhlükəsizliyi artırmaq və cinayətlərin qarşısını almaq məqsədilə atılan addımları dəyərləndirib.
Sözügedən fövqəladə vəziyyətdən sonra Vaşinqtonda avtomobil oğurluğunun 87% azaldığını qeyd edən Tramp, paytaxtla bağlı qəbul etdiyi qərarlardan sonra digər bütün cinayət kateqoriyalarında da əhəmiyyətli azalmalar olduğunu vurğulayıb.
"Vaşinqton planlaşdırılandan çox daha sürətli şəkildə, cəmi 14 gün ərzində cinayətsiz bölgəyə çevriləcək”, - o bildirib.
