Ukrayna MN: Rivnopil kəndi müdafiə qüvvələrimizin nəzarətinə keçdi

Ukrayna müdafiə nazirinin müavini Anna Malyar Donetsk vilayətinin Rivnopil kəndinin Ukrayna ordusunun nəzarətində olduğunu bildirib.

"Operativ Məlumat Mərkəzi-OMM" xarici KİV-ə istinadən xəbər verir ki, Malyar sosial media hesabından verdiyi açıqlamada, Ukrayna ordusunun şərq cəbhəsində uğur qazandığını qeyd edib.

Nazir müavini Malyar, "Rivnopil kəndi müdafiə qüvvələrimizin nəzarətinə keçdi. İrəliləməyə davam edin", - ifadələrindən istifadə edib.