Afət Ziyadqızı
Türkiyəli tədqiqatçı və publisist Ozan Ferhat ukraynalıların Ukrayna prezidenti Vladimir Zelenskini “ölkəni imperializmə təslim etdiyi” iddiası ilə devirməyə cəhd göstərə biləcəkləri fikrini səsləndirib.
“Operativ Məlumat Mərkəzi-OMM” “RİA Novosti”yə istinadən xəbər verir.
Ekspertin fikrincə, Kiyev Moskva ilə diplomatik münasibətləri kəsməsəydi, Ukrayna mövcud vəziyyətdə qalib mövqedə ola bilərdi.
Ferhat bildirib ki, Ukrayna cəmiyyətində narazılıq dərinləşə bilər:
“Ukrayna xalqı Zelenskiyə qarşı çevriliş etsə, buna təəccüblənmərəm. İnanıram ki, Hitleri məğlub edən xalq sonda onu hər şeyə görə məsuliyyətə cəlb edəcək”.
Onun sözlərinə görə, ölkədə davam edən münaqişə və siyasi qərarlar gələcəkdə Ukraynanın daxili siyasi sabitliyinə ciddi təsir göstərə bilər.
