ABŞ prezidenti Donald Tramp bildirib ki, Rusiya prezidenti Vladimir Putin və Ukrayna prezidenti Vladimir Zelenski arasında görüşə hazırlıq gedir.
"Operativ Məlumat Mərkəzi-OMM" xəbər verir ki, bu barədə Tramp “The Mark Levin Show” radiosuna müsahibəsində qeyd edib.
O bildirib ki, liderlərin əvvəlcə ikitərəfli görüş keçirməsi daha məqsədəuyğundur:
"Düşünürəm ki, onlar mənsiz görüşsəydilər, daha yaxşı olardı. Mən sadəcə nə baş verdiyini görmək istəyirəm. Bilirsiniz, onların münasibətləri çətin idi, çox pis münasibətlər var idi. İndi görəcəyik ki, necə olacaq və lazım gəlsə, gedib, bəlkə də bitirəcəm", – Tramp bildirib.
O əlavə edib ki, hazırda görüşün təşkilinə hazırlıq aparılır və nəticələrin yaxın vaxtlarda bəlli olacağı gözlənilir.
