ABŞ Prezidenti Donald Tramp administrasiyasının Massaçusets ştatında"ölkəyə qeyri-qanuni yollarla daxil olan və cinayət törətdiyi bildirilən miqrantların deportasiyasına yönəlik yeni bir əməliyyat başlatdığı bildirilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ Daxili Təhlükəsizlik Nazirliyinin verdiyi açıqlamada, ABŞ Göç və Gömrük Mühafizəsi İdarəsi (ICE) tərəfindən həyata keçirilən və "Patriot 2.0" əməliyyatının may ayında başlanılan əməliyyatın davamı olduğu qeyd edilib.
Açıqlamada, ştatın paytaxtı Bostonun Demokrat merinin – Mişel Vunun həyata keçirdiyi "sığınacaq şəhər" (sanctuary city) siyasəti tənqid olunaraq, bu siyasətin "cinayətkarları cəlb etdiyi və ictimai təhlükəsizliyi təhlükəyə atdığı" iddia edilib.
DHS, yerli idarələr tərəfindən azad edilən cinayətkar miqrantların federal qruplar tərəfindən tutulacağını və deportasiya ediləcəyini bildirib.
Digər tərəfdən, Boston meri Vu açıqlamasında, bu əməliyyata şəhərin resursları ilə dəstək verilməyəcəyini bildirib.
ABŞ Ədliyyə Nazirliyi də Bostonun "sığınacaq şəhər" siyasəti ilə əlaqədar Vu administrasiyasına qarşı məhkəmə iddiası qaldırıb.
