Əli Məmmədli
"Rusiya Ukrayna ilə danışıqlara hazırdır, lakin ilkin şərt olmadan, mövcud reallıq əsasında".
"Operativ Məlumat Mərkəzi - OMM" “Zvezda”ya istinadla xəbər verir ki, bunu Rusiya xarici işlər nazirinin müavini Sergey Verşinin bildirib.
O deyib: “Bəli, klassiklər deyirlər ki, istənilən düşmənçilik danışıqlarla başa çatır və təbii ki, biz artıq belə danışıqlara hazır olacağımızı demişik. Amma yalnız ilkin şərtsiz danışıqlara, mövcud reallığa əsaslanan danışıqlara, açıq elan etdiyimiz məqsədləri nəzərə alan danışıqlara”.
S. Verşinin qeyd edib ki, Moskva ilə danışıqlara dair qərar Kiyevdə deyil, Vaşinqton və Brüsseldə verilir:
“Birincisi, danışıqlar artıq olub, Minski xatırlayırsınız, İstanbulu xatırlayırsınız. Yadınızdadır ki, Ukrayna tərəfi onlara müdaxilə edib, amma siz yaxşı bilirsiniz ki, qərar Kiyevdə deyil, qərar başqa paytaxtlarda, ilk növbədə Vaşinqtonda, Brüsseldə verilir. Ona görə də ora getməlisən”.
Diplomat ABŞ-ın hazırkı prezidenti Co Baydenin dövründə belə danışıqların mümkünlüyünü də şərh edib: “Bu, bizdən asılı deyil, mövqeyimizi açıq şəkildə bəyan etmişik, əgər cənab Bayden təmkin, müdriklik nümayiş etdirirsə, mən onu və onun ətrafını nəzərdə tuturam”.
