Rusiya Xarici İşlər Nazirliyi bəyan edib ki, ABŞ-ın Qəzza qərarına veto qoyması Qəzza zolağındakı “dəhşətli” vəziyyətin dayandırılmasının qarşısını alıb.
"Operativ Məlumat Mərkəzi-OMM" xəbər verir ki, müvafiq sənəd nazirliyin saytında dərc olunub.
Hesabatda bildirilir ki, ABŞ tərəfi İsrail və HƏMAS arasında razılığa gəlmək üçün Misir və Qətərdən vasitəçilərin daxil olduğu öz planını rədd edib.
“Qəzzada baş verən dəhşətli qan və aclığı dayandırmaq üçün daha bir fürsət əldən verildi”, - deyə nazirlikdən bildirilib.
Rusiya Xarici İşlər Nazirliyi vurğulayıb ki, “zorakılıq və iztirab”ın həlli üçün hər yerdə hərbi əməliyyatlar dayandırılmalı, girovlar azad edilməli, humanitar yardımlar göstərilməli və beynəlxalq hüquq normaları əsasında “Fələstin və İsrail arasında dinc yanaşı yaşama” əsasında sülh prosesi bərpa edilməlidir.
