Yaxın Şərqdə vəziyyətin kəskinləşməsi fonunda regionun bir neçə ölkəsi şənbə günü öz hava məkanını tamamilə bağlayıb və ya uçuşlara ciddi məhdudiyyətlər tətbiq edib.
"Operativ Məlumat Mərkəzi-OMM" xəbər verir ki, bu qərar ABŞ və İsrail hərbi qüvvələrinin İrana qarşı həyata keçirdiyi hərbi əməliyyatdan sonra yaranan yeni münaqişə dalğası ilə əlaqədardır.
Dünyanın aparıcı aviaşirkətləri təhlükəsizlik riskləri səbəbindən regiona planlaşdırılan uçuşları kütləvi şəkildə təxirə salıb.
Hava məkanının qapadılması beynəlxalq hava daşımaları zəncirində ciddi fasilələrə və gecikmələrə yol açıb.
Hərbi əməliyyatlar regionda gərginliyin yeni və daha təhlükəli mərhələyə keçməsinə səbəb olub.
Hazırda bir çox beynəlxalq daşıyıcı alternativ marşrutlardan istifadə etməyə çalışır.
